新婚生活易 wedding.esdlife.com (Posted on 22 Sep., 2017)
努力修身的新娘，口痕怎麼辦？（健康零食推介）
之前同大家分享過5天健康餐單試食報告（按此重溫），有同學問係咪得呢5款，其實間shop一直都keep住出新menu，好似依依最近就試咗另外幾款。我係麵怪，今次有2款都有麵食，另一款係菜飯，我都鍾意。
至於上面呢款糙米飯呢，依依就請咗同事食哈哈哈。
份量都多架～但每份約500kcl，好過出去食一餐分分鐘爆標 除咗正餐要食得健康，零食都好重要！ 唔好嚇親～以下呢啲零食都係實拍，出現喺依依個位同附近（真係唔怕餓死）
係咪好癲！！！但係咁食落去真係唔得 結果發現有隻健康零食，醫口痕又醫肚，仲好低卡！ 登登登登～介紹返～有機米藜麥餅
其實就好似米通，DD咸，每塊都係20kcal
（同事分享：你做咩喺度食發泡膠？哈哈，又真係幾似樣）
佢同普通supermarket嘅米通有分別嘅，呢隻叫QUINUA REAL ，係品牌名，亦係保利維亞一種獨特嘅藜麥品種。 聽講呢種藜麥生長於海拔 3,600 米以上高原，四周圍只有草原同鹽田。世界其他地方嘅藜麥都唔高過一米，但呢度嘅藜麥可以有兩至三米，係藜麥中嘅皇者！
睇返成份有機米粉 89.7%、有機藜麥粉 10%、海鹽。（又真係幾健康）佢係gluten free，不含牛奶製品、大豆。成份全天然無任何添加。（藜麥種植方法都係完全有機、天然。） 依依試食報告：夠脆、夠鬆化。 一至兩塊醫口痕都ok! 如果用嚟沾牛奶食應該都唔錯！ 一包份量都好多，價錢只係$48，抵食。如果喺fitasty 網站連同healthy diet 一齊買，加$30就有。 另一個推介原因係：呢批藜麥都由非牟利「國家藜麥出產商協會」經營，盈利回饋當地農民及居民，改善設施同生活環境！
